نیند نگری میں پھر اجالا ہے

نیند نگری میں پھر اجالا ہے

خواب مہمان آنے والا ہے

دن پہ چھینٹیں پڑی ہیں خوابوں کی

کتنا کم ظرف شب پیالہ ہے

بس محبت میں لڑکھڑائے ہیں

اور سب ٹھیک سے سنبھالا ہے

ہم کو بس ایک کام تھا مرنا

وہ بھی ہم نے خدا پہ ٹالا ہے

مجھ میں بالکل نہیں بچا ہوں میں

عشق نے اس طرح کھنگالا ہے

nind nagri mein phir ujala hai

khwab mehman ane wala hai

din pe chhinten pari hain khwabon ki

kitna kam zarf shab pyala hai

bas mohabbat mein larkharae hain

aur sab thik se sambhala hai

ham ko bas ek kam tha marna

wo bhi ham ne khuda pe tala hai

mujh mein bilkul nahin bacha hun main

ishq ne is tarah khangala hai