اک تصویر پہ کھینچ رکھے ہیں تو نے کتنے رنگ کے دکھ

اک تصویر پہ کھینچ رکھے ہیں تو نے کتنے رنگ کے دکھ

میرے مصور تجھ سے بنے نئی لیکن میرے ڈھنگ کے دکھ

یار تری وہ نثری چنتا تو نے سنائی سب نے سنی

کون سنے گا جب میں چھیڑوں گا اپنے آہنگ کے دکھ

عشق و جنوں کی جنگ ہوئی کل رات بدن کے میداں میں

دل کو آج منانے ہوں گے بیتی رات کی جنگ کے دکھ

قسمت کی ہر تھاپ کو میں سنگیت بناؤں تو گائے

تک دھن تا کی دھن پر رقص کریں پھر مجھ مردنگ کے دکھ

جیسے اک صیاد کی آہٹ پا کر پنچھی ہو گئے پھر

تیری ایک چھون بھر سے کافور ہوئے انگ انگ کے دکھ

پیاسی جوگن دھرتی کی سسکی سن کر رم ہو نہ سکا

پھر تو جھما جھم ٹوٹ کے برسے بادل مست ملنگ کے دکھ

پھر وہی خواب کی خوشبو ہے وہی صحرا ہے پر تھک گئے ہم

یار شکاری تیر چلا اب ہر لے اس سارنگ کے دکھ

ik taswir pe khinch rakhe hain tu ne kitne rang ke dukh

mere musawwir tujh se bane nai lekin mere dhang ke dukh

yar tiri wo nasri chunta tu ne sunai sab ne suni

kaun sunega jab main chherunga apne ahang ke dukh

ishq-o-junun ki jang hui kal rat badan ke maidan mein

dil ko aj manane honge biti rat ki jang ke dukh

qismat ki har thap ko main sangit banaun to gae

tak dhun ta ki dhun par raqs karen phir mujh mirdang ke dukh

jaise ik sayyad ki ahat pa kar panchhi ho gae phir

teri ek chhewan bhar se kafur hue ang ang ke dukh

pyasi jogan dharti ki siski sun kar ram ho na saka

phir to jhuma jhim tut ke barse badal mast malang ke dukh

phir wahi khwab ki khushbu hai wahi sahra hai par thak gae ham

yar shikari tir chala ab har le is sarang ke dukh