روز شب خون مارتی ہے ہوس

روز شب خون مارتی ہے ہوس

روح سے روز ہارتی ہے ہوس

آرزو جستجو ضرورت عشق

نت نیا روپ دھارتی ہے ہوس

ڈاہ دیتی ہے جسم والوں کو

چاہتوں کو ابھارتی ہے ہوس

میں مداوا ہوں ہر اداسی کا

کہہ کے گاہک پکارتی ہے ہوس

ایک آسیب ہے خدا کا ڈر

اور یہ آسیب اتارتی ہے ہوس

roz shab khun marti hai hawas

ruh se roz harti hai hawas

arzu justuju zarurat ishq

nit naya rup dharti hai hawas

dah deti hai jism walon ko

chahaton ko ubharti hai hawas

main mudawa hun har udasi ka

kah ke gahak pukarti hai hawas

ek aseb hai khuda ka dar

aur ye aseb utarti hai hawas