لہر پہ بنتے بگڑتے حباب کی صورت

لہر پہ بنتے بگڑتے حباب کی صورت

ہمیں جو نیند بھی آئی تو خواب کی صورت

یہیں پہ ایک مصور نے جان دے دی تھی

بنی نہ ریت پہ جب اس سے آب کی صورت

یہ ہاتھ لکھنے لگے عشق بے خیالی میں

بغور تجھ کو پڑھا جب کتاب کی صورت

سجائے پھرتے ہیں تمغے کی طرح سینہ پہ

یہ عشق جیتا ہے ہم نے خطاب کی صورت

یہ جن رگوں میں جنوں دوڑتا ہے خوں بن کر

انہیں نے باندھا ہے دل کو طناب کی صورت

ندی میں ڈوب رہے تشنہ دید نے دیکھا

ندی کے بیچ جزیرہ سراب کی صورت

lahr pe bante bigarte habab ki surat

hamen jo nind bhi ai to khwab ki surat

yahin pe ek musawwir ne jan de di thi

bani na ret pe jab us se ab ki surat

ye hath likhne lage ishq-e-be khayali mein

baghaur tujh ko parha jab kitab ki surat

sajae phirte hain tamghe ki tarah sina pe

ye ishq jita hai ham ne khitab ki surat

ye jin ragon mein junun daurta hai khun ban kar

unhen ne bandha hai dil ko tanab ki surat

nadi mein dub rahe tishna did ne dekha

nadi ke bich jazira sarab ki surat