رقصاں یہ کائنات ہے چل رقص کرتے ہیں

رقصاں یہ کائنات ہے چل رقص کرتے ہیں

ہر ایک شے نشاط ہے چل رقص کرتے ہیں

ہم سارے لوگ ناچتے زنداں میں قید ہیں

سو رقص ہی نجات ہے چل رقص کرتے ہیں

ہوتے ہی صبح دار پہ جائیں گے ہم سبھی

لیکن ابھی تو رات ہے چل رقص کرتے ہیں

پھر سے وہی ہے دشت وہی پیاس اور ہم

پھر سے وہی فرات ہے چل رقص کرتے ہیں

گرداب بحر عشق بہت دور ہے تو کیا

غم کا بگولا ساتھ ہے چل رقص کرتے ہیں

دھک دھک کی دھن پہ رقص کناں ہے ابھی بھی دل

یہ کم کیا التفات ہے چل رقص کرتے ہے

raqsan ye kainat hai chal raqs karte hain

har ek shai nishat hai chal raqs karte hain

ham sare log nachte zindan mein qaid hain

so raqs hi najat hai chal raqs karte hain

hote hi subh dar pe jaenge ham sabhi

lekin abhi to rat hai chal raqs karte hain

phir se wahi hai dasht wahi pyas aur ham

phir se wahi furat hai chal raqs karte hain

girdab bahr-e-ishq bahut dur hai to kya

gham ka bagula sath hai chal raqs karte hain

dhak dhak ki dhun pe raqs kunan hai abhi bhi dil

ye kam kya iltifat hai chal raqs karte hai