علاج غم وہ پیہم کر رہے ہیں

علاج غم وہ پیہم کر رہے ہیں

مرے غم خوار ماتم کر رہے ہیں

ہے اک گرداب کے مرکز پہ دنیا

ہم اپنی آنکھ بھر نم کر رہے ہیں

ہم اپنے آپ سے ناراض رہ کر

کسی کا بوجھ کچھ کم کر رہے ہیں

خدا کے کام ہیں سچ پوچھیے تو

جنہیں ہم ابن آدم کر رہے ہیں

ہماری خاک مانگی جا رہی ہے

جنوں شاید مجسم کر رہے ہیں

ilaj-e-gham wo paiham kar rahe hain

mire gham khwar matam kar rahe hain

hai ik girdab ke markaz pe duniya

ham apni ankh bhar nam kar rahe hain

ham apne ap se naraz rah kar

kisi ka bojh kuchh kam kar rahe hain

khuda ke kam hain sach puchhiye to

jinhen ham ibn-e-adam kar rahe hain

hamari khak mangi ja rahi hai

junun shayad mujassam kar rahe hain