تھے نگاہوں میں جن راستوں کے شجر اور تھے

تھے نگاہوں میں جن راستوں کے شجر اور تھے

دل مسافر کو در پیش تھے جو سفر اور تھے

بس رہا تھا مری سوچ کے آسمانوں پہ جو

اور ہی شہر تھا اس کے سب بام و در اور تھے

وہ جو چہروں پہ لکھا ہوا خوف تھا اور تھا

وہ جو سپنوں کے اندر پنپتے تھے ڈر اور تھے

سب جبینیں وہاں تھیں زمیں بوسیوں میں مگن

کٹ کے کچھ اور اوپر اٹھے تھے جو سر اور تھے

شوق طغیانیوں میں بھی سنبھالے رہیں دھڑکنیں

ڈوب کر جن میں ابھرا نہ دل وہ بھنور اور تھے

ان زمانوں بھی اپنے قلم کی زباں تھی یہی

لفظ جب شہر تحریر میں معتبر اور تھے

the nigahon mein jin raston ke shajar aur the

dil musafir ko dar pesh the jo safar aur the

bas raha tha miri soch ke asmanon pe jo

aur hi shahr tha us ke sab bam-o-dar aur the

wo jo chehron pe likha hua khauf tha aur tha

wo jo sapnon ke andar panapte the dar aur the

sab jabinen wahan thin zamin bosiyon mein magan

kat ke kuchh aur upar uthe the jo sar aur the

shauq tughyaniyon mein bhi sambhale rahen dharkanen

dub kar jin mein ubhra na dil wo bhanwar aur the

in zamanon bhi apne qalam ki zaban thi yahi

lafz jab shahr tahrir mein motabar aur the