وحشت کی بات ہو تو بلا شک فرید ہیں

وحشت کی بات ہو تو بلا شک فرید ہیں

پر عشق میں تو قیس جی میرے مرید ہیں

نفرت کے بیہڑوں کو ہمارے لہو سے سینچ

ہم لوگ جنگ عشق کے انتم شہید ہیں

ان کا مطالعہ ہے میاں شرط دین عشق

یہ ہونٹوں کے نشان کلام مجید ہیں

مجھ کو یقیں دلانا ہے تو روح بن کے مل

یہ حسن و جسم عشق کی کچی رسید ہیں

کیا ہے کوئی امید کہ ہم کو پتہ چلے

ہم لوگ ایک عمر سے کیوں ناامید ہیں

ہم آنے والی نسل کو دیں گے شدید پیاس

ہم لوگ زیر بیعت فکر یزید ہیں

wahshat ki bat ho to bala shak farid hain

par ishq mein to qais ji mere murid hain

nafrat ke beharon ko hamare lahu se sinch

ham log jang ishq ke antim shahid hain

un ka mutalaa hai miyan shart-e-din-e-ishq

ye honton ke nishan kalam-e-majid hain

mujh ko yaqin dilana hai to ruh ban ke mil

ye husn-o-jism ishq ki kachchi rasid hain

kya hai koi umid ke ham ko pata chale

ham log ek umr se kyun naummid hain

ham ane wali nasl ko denge shadid pyas

ham log zer-e-baiat-e-fikr-e-yazid hain