کوئی غم نہ تھا مگر اے پری زاد روئے ہم

کوئی غم نہ تھا مگر اے پری زاد روئے ہم

اک رسم بھر نبھائی ترے بعد روئے ہم

یہ سچ بھی ٹھیک ہے پہ تصور کمال تھا

سو وصل میں بھی ہجر کیا یاد روئے ہم

ہم کو مخالفت کی لگی لت کچھ اس قدر

جب بھی کہا کسی نے رہو شاد روئے ہم

ہم کو ہنر ملا تو نمائش بھی ہم نے کی

آتے ہی اس زمیں پہ خدا زاد روئے ہم

کار ثواب دین میں لازم تھا ہم پہ سو

کر دی ستم گران کی امداد روئے ہم

اتنی اداس رات تھی لالچ میں پڑ گئے

بندھن حیا کے توڑ کے آزاد روئے ہم

koi gham na tha magar ai pari zad roe ham

ik rasm bhar nibhai tire baad roe ham

ye sach bhi thik hai pe tasawwur kamal tha

so wasl mein bhi hijr kiya yad-e-roe ham

ham ko mukhalafat ki lagi lat kuchh is qadar

jab bhi kaha kisi ne raho shad roe ham

ham ko hunar mila to numaish bhi ham ne ki

ate hi is zamin pe khuda zad roe ham

kar-e-sawab din mein lazim tha ham pe su

kar di sitam garin ki imdad roe ham

itni udas rat thi lalach mein par gae

bandhan haya ke tor ke azad roe ham