صحرا نوردیوں کے عوض گھر دیا گیا

صحرا نوردیوں کے عوض گھر دیا گیا

پیاسی ندی کو خارا سمندر دیا گیا

بس لمس بھر جہان دکھایا گیا ہمیں

دنیا کا ذائقہ بھی نگہ بھر دیا گیا

اس کو ذرا سا شک تھا محبت کا اور بس

اس اور سے یقین برابر دیا گیا

ہم کافروں نے اس کو خدا ہی بنا لیا

جو شخص تھا برائے پیامبر دیا گیا

جن کو ملی امید خدا والے ہو گئے

منکر ہوئے وہ جن کو فقط ڈر دیا گیا

ہم کو سزائے نقل مکانی تو دی مگر

دیوار و در کو رخت سفر کر دیا گیا

sahra nawardiyon ke ewaz ghar diya gaya

pyasi nadi ko khara samundar diya gaya

bas lams bhar jahan dikhaya gaya hamen

duniya ka zaiqa bhi nigah bhar diya gaya

us ko zara sa shak tha mohabbat ka aur bas

is aur se yaqin barabar diya gaya

ham kafiron ne us ko khuda hi bana liya

jo shakhs tha bara-e-payambar diya gaya

jin ko mili umid khuda wale ho gae

munkir hue wo jin ko faqat dar diya gaya

ham ko saza-e-naql-e-makani to di magar

diwar-o-dar ko rakht-e-safar kar diya gaya