تری چھون کی خفی روشنی سے جل جاتا

تری چھون کی خفی روشنی سے جل جاتا

بدن چراغ تری روشنی سے جل جاتا

اسیر ضبط یہ دل آنسوؤں کا پیاسا تھا

ہنسی سے آتی ہوئی روشنی سے جل جاتا

شب فراق اندھیروں میں جلنے والا میں

شب وصال جلی روشنی سے جل جاتا

وہ مثل رات بجھا دیتی شمس جان و دل

میں مثل چاند بجھی روشنی سے جل جاتا

یہ تو میں ہوں جو تری روشنی میں بھیگتا ہوں

اگر تو ہوتا اسی روشنی سے جل جاتا

tiri chhewan ki khafi raushni se jal jata

badan charagh tiri raushni se jal jata

asir-e-zabt ye dil ansuon ka pyasa tha

hansi se ati hui raushni se jal jata

shab-e-firaq andheron mein jalne wala mein

shab-e-wisal jali raushni se jal jata

wo misl rat bujha deti shams jan-o-dil

main misl-e-chand bujhi raushni se jal jata

ye to main hun jo tiri raushni mein bhigta hun

agar to hota isi raushni se jal jata