Arooz is now on the App Store, for iPhone and iPad. Download →

All poetry

مسافتیں کب گمان میں تھیں سفر سے آگے

Jaleel 'Aali' (b. 1945)

مسافتیں کب گمان میں تھیں سفر سے آگے

نکل گئے اپنی دھن میں اس کے نگر سے آگے

شجر سے اک عمر کی رفاقت کے سلسلے ہیں

نگاہ اب دیکھتی ہے برگ و ثمر سے آگے

یہ دل شب و روز اس کی گلیوں میں گھومتا ہے

وہ شہر جو بس رہا ہے دشت نظر سے آگے

خجل خیالوں کی بھیڑ حیرت سے تک رہی ہے

گزر گیا رہرو تمنا کدھر سے آگے

طلسم عکس و صدا سے نکلے تو دل نے جانا

یہ حرف کچھ کہہ رہے ہیں عرض ہنر سے آگے

نثار ان ساعتوں پہ صدیوں کے سحر عالؔی

جئے ہیں جن کے جلو میں شام و سحر سے آگے