برسات کی جھڑیوں کو تم خود ہی منا لینا

برسات کی جھڑیوں کو تم خود ہی منا لینا

جب کچھ نہ سمجھ آئے پھر ہم کو بلا لینا

اک موج مچل کر جب ساحل سے لپٹتی ہو

تم تشنہ نگاہوں کو دریا پہ جما لینا

اے چارہ گرو تم بھی اس غم میں رہو شامل

دکھتے ہوئے زخموں کا تم بھی تو مزا لینا

سوچوں میں خیالوں میں مہکار سی بھر دینا

آنکھوں نے جو دیکھے ہیں وہ خواب چرا لینا

لکھے ہیں ہواؤں پر جو گیت جدائی میں

ان کو کبھی چاہت سے ہونٹوں پہ سجا لینا

جو من میں دہکتی ہے دن رات سلگتی ہے

اس آگ کو جذبوں کی رم جھم سے بجھا لینا

کیوں ڈھونڈتے پھرتے ہو صہباؔ کی وفاؤں کو

مہکے ہوئے جھونکوں کو سینے سے لگا لینا

barsat ki jhariyon ko tum khud hi mana lena

jab kuchh na samajh ae phir ham ko bala lena

ik mauj machal kar jab sahil se lipatti ho

tum tishna nigahon ko dariya pe jama lena

ai chara giro tum bhi is gham mein raho shamil

dikhte hue zakhmon ka tum bhi to maza lena

sochon mein khayalon mein mahkar si bhar dena

ankhon ne jo dekhe hain wo khwab chura lena

likhe hain hawaon par jo git judai mein

un ko kabhi chahat se honton pe saja lena

jo man mein dahakti hai din rat sulagti hai

is ag ko jazbon ki ram jhim se bujha lena

kyun dhundte phirte ho sahba ki wafaon ko

mahke hue jhonkon ko sine se laga lena