کسے خبر ابتدا کی انجام کون جانے

کسے خبر ابتدا کی انجام کون جانے

گمان باطل خیال سب خام کون جانے

تمام لفظوں کا ایک مفہوم کون سمجھے

تمام چیزوں کا ایک ہی نام کون جانے

پجاریوں کے لیے ازل سے تڑپ رہے ہیں

سمے کے پہلو میں کتنے اصنام کون جانے

نکل کے دن کی تمازتوں سے وفا کا سورج

ہوا ہے خوں کس طرح سر شام کون جانے

اداس جذبوں کے دلدلی راستوں پہ عالؔی

سنبھل گیا چل کے گام دو گام کون جانے

kise khabar ibtida ki anjam kaun jane

guman-e-batil khayal sab kham kaun jane

tamam lafzon ka ek mafhum kaun samjhe

tamam chizon ka ek hi nam kaun jane

pujariyon ke liye azal se tarap rahe hain

samay ke pahlu mein kitne asnam kaun jane

nikal ke din ki tamazaton se wafa ka suraj

hua hai khun kis tarah sar-e-sham kaun jane

udas jazbon ke daldali raston pe ali

sambhal gaya chal ke gam do gam kaun jane