شاخ بے نمو پر بھی عکس گل جواں رکھنا

شاخ بے نمو پر بھی عکس گل جواں رکھنا

آ گیا ہمیں عالی دل کو شادماں رکھنا

بے فلک زمینوں پر روشنی کو ترسو گے

سوچ کے دریچوں میں کوئی کہکشاں رکھنا

رہرو تمنا کی داستاں ہے بس اتنی

صبح و شام اک دھن میں خود کو نیم جاں رکھنا

کار و بار دنیا میں اہل درد کی دولت

سود سب لٹا دینا پاس ہر زیاں رکھنا

اس کی یاد میں ہم کو ربط و ضبط گریہ سے

شب لہو لہو رکھنی دن دھواں دھواں رکھنا

عشق خود سکھاتا ہے ساری حکمتیں عالؔی

نقد دل کسے دینا بار سر کہاں رکھنا

shakh-e-be numu par bhi aks-e-gul jawan rakhna

a gaya hamen ali dil ko shadman rakhna

be falak zaminon par raushni ko tarsoge

soch ke darichon mein koi kahkashan rakhna

rahrau tamanna ki dastan hai bas itni

subh-o-sham ik dhun mein khud ko nim jan rakhna

kar-o-bar duniya mein ahl-e-dard ki daulat

sud sab luta dena pas har ziyan rakhna

us ki yad mein ham ko rabt-o-zabt-e-girya se

shab lahu lahu rakhni din dhuan dhuan rakhna

ishq khud sikhata hai sari hikmaten ali

naqd-e-dil kise dena bar-e-sar kahan rakhna