Arooz is now on the App Store, for iPhone and iPad. Download →

All poetry

عشق قصداً کیا نہیں جاتا

Tabinda Sahar Abidi

عشق قصداً کیا نہیں جاتا

دل بھی قصداً دیا نہیں جاتا

ہم نے آب حیات جانا تھا

یہ ہلاہل پیا نہیں جاتا

جسم زنداں میں روح قیدی ہے

اس گھٹن میں جیا نہیں جاتا

سانس لینے میں بھی تھکن ہے اب

زخم دل اب سیا نہیں جاتا

ہے گلا دل خراش چیخوں سے

ماتم دل کیا نہیں جاتا

کیسے لفظوں میں غم نظر آئے

خاکۂ غم لکھا نہیں جاتا

سحرؔ آنکھوں میں ہے وہ طغیانی

یہ سمندر پیا نہیں جاتا