دل ہے کہ غم دل کا عزا دار نہیں ہے

دل ہے کہ غم دل کا عزا دار نہیں ہے

جاں ہے کہ سم زیست سے بیزار نہیں ہے

یا قد کوئی اٹھتی ہوئی دیوار نہیں ہے

یا سر کوئی سودا کا سزاوار نہیں ہے

الفاظ کے رنگوں نے جو تصویر بنائی

یہ تو مرے جذبات کا اظہار نہیں ہے

نزدیک بھی آ جھانک کے دل میں بھی ذرا دیکھ

ملبوس ہی انسان کا معیار نہیں ہے

نکلے ہو کڑی دھوپ میں جس راہ پہ عالیؔ

اس رہ میں کہیں سایۂ اشجار نہیں ہے

dil hai ke gham-e-dil ka aza dar nahin hai

jan hai ke sam-e-zist se bezar nahin hai

ya qad koi uthti hui diwar nahin hai

ya sar koi sauda ka sazawar nahin hai

alfaz ke rangon ne jo taswir banai

ye to mire jazbat ka izhar nahin hai

nazdik bhi a jhank ke dil mein bhi zara dekh

malbus hi insan ka meyar nahin hai

nikle ho kari dhup mein jis rah pe ali

is rah mein kahin saya-e-ashjar nahin hai