تختیاں سب اتار دی گئی ہیں

تختیاں سب اتار دی گئی ہیں

مرے گھر کا کہیں پتہ ہی نہیں

ریگ بریاں پہ چل کے آئے ہیں

پاؤں میں کوئی آبلہ ہی نہیں

زخم دل کو تلاش مرہم تھی

اور مرہم کہیں ملا ہی نہیں

ہم نے دستک تو دی بہت لیکن

پھر کوئی در کبھی کھلا ہی نہیں

زندگی سے کبھی بنی نہ مری

موت پر اختیار تھا ہی نہیں

دھوپ بھی قہر بن کے برسی اور

سائباں ریت سے بنا ہی نہیں

takhtiyan sab utar di gai hain

mire ghar ka kahin pata hi nahin

reg buriyan pe chal ke ae hain

paon mein koi abla hi nahin

zakhm-e-dil ko talash marham thi

aur marham kahin mila hi nahin

ham ne dastak to di bahut lekin

phir koi dar kabhi khula hi nahin

zindagi se kabhi bani na miri

maut par ikhtiyar tha hi nahin

dhup bhi qahr ban ke barsi aur

saiban ret se bana hi nahin