سبیل سجدۂ نا مختتم بناتے ہوئے

سبیل سجدۂ نا مختتم بناتے ہوئے

خدا تک آئے ہیں کیا کیا صنم بناتے ہوئے

غرور عشق میں اک انکسار فقر بھی ہے

خمیدہ سر ہیں وفا کو علم بناتے ہوئے

ترے خیال کی رو ہے کہ کوئی موج طرب

گزر رہی ہے عجب زیر و بم بناتے ہوئے

جبین وقت پہ ثبت اپنا نقش اس نے کیا

دلوں کے داغ چراغ حرم بناتے ہوئے

تو کیا ضرور کہ تحقیر خلق کرتے پھرو

اک اپنا عکس انا محتشم بناتے ہوئے

گزارتے ہیں کہاں زندگی گزرتی ہے

بس ایک راہ بہ سوئے عدم بناتے ہوئے

sabil-e-sajda-e-na mukhtatam banate hue

khuda tak ae hain kya kya sanam banate hue

ghurur-e-ishq mein ik inkisar-e-faqr bhi hai

khamida sar hain wafa ko alam banate hue

tire khayal ki ro hai ke koi mauj-e-tarab

guzar rahi hai ajab zer-o-bam banate hue

jabin-e-waqt pe sabt apna naqsh us ne kiya

dilon ke dagh charagh-e-haram banate hue

to kya zarur ke tahqir-e-khalq karte phiro

ik apna aks-e-ana mohtashim banate hue

guzarte hain kahan zindagi guzarti hai

bas ek rah ba su-e-adam banate hue