کیا ربط ایک درد سے بنتے چلے گئے

کیا ربط ایک درد سے بنتے چلے گئے

جنگل میں جیسے راستے بنتے چلے گئے

کڑیاں کڑی قیود کی بڑھتی چلی گئیں

حیلے رہ نجات کے بنتے چلے گئے

ہونٹوں پہ کھل اٹھا تو ہوا داغ دل دعا

کیا کیا سخن کے سلسلے بنتے چلے گئے

کس صورت ثبات پہ ٹھہری نگاہ دل

اک رقص رو میں ٹوٹتے بنتے چلے گئے

بوتے رہے لہو کے دیئے ہم زمین میں

خورشید آسمان پے بنتے چلے گئے

عالؔی مقابلے کا نہ کوئی عدو رہا

ہم آپ اپنے دوسرے بنتے چلے گئے

kya rabt ek dard se bante chale gae

jangal mein jaise raste bante chale gae

kariyan kari quyud ki barhti chali gain

hile rah-e-najat ke bante chale gae

honton pe khul utha to hua dagh-e-dil dua

kya kya sukhan ke silsile bante chale gae

kis surat-e-sabat pe thahri nigah-e-dil

ik raqs rau mein tutte bante chale gae

bote rahe lahu ke diye ham zamin mein

khurshid asman pe bante chale gae

ali muqable ka na koi adu raha

ham ap apne dusre bante chale gae