شعر ہوتا ہے اب مہینوں میں

شعر ہوتا ہے اب مہینوں میں

زندگی ڈھل گئی مشینوں میں

پیار کی روشنی نہیں ملتی

ان مکانوں میں ان مکینوں میں

دیکھ کر دوستی کا ہاتھ بڑھاؤ

سانپ ہوتے ہیں آستینوں میں

قہر کی آنکھ سے نہ دیکھ ان کو

دل دھڑکتے ہیں آبگینوں میں

آسمانوں کی خیر ہو یا رب

اک نیا عزم ہے زمینوں میں

وہ محبت نہیں رہی جالبؔ

ہم صفیروں میں ہم نشینوں میں

sher hota hai ab mahinon mein

zindagi dhal gai mashinon mein

pyar ki raushni nahin milti

in makanon mein in makinon mein

dekh kar dosti ka hath barhao

sanp hote hain astinon mein

qahr ki ankh se na dekh un ko

dil dharakte hain abginon mein

asmanon ki khair ho ya rab

ik naya azm hai zaminon mein

wo mohabbat nahin rahi jalib

ham safiron mein ham nashinon mein