اس نے جب ہنس کے نمسکار کیا

اس نے جب ہنس کے نمسکار کیا

مجھ کو انسان سے اوتار کیا

دشت غربت میں دل ویراں نے

یاد جمنا کو کئی بار کیا

پیار کی بات نہ پوچھو یارو

ہم نے کس کس سے نہیں پیار کیا

کتنی خوابیدہ تمناؤں کو

اس کی آواز نے بیدار کیا

ہم پجاری ہیں بتوں کے جالبؔ

ہم نے کعبے میں بھی اقرار کیا

us ne jab hans ke namaskar kiya

mujh ko insan se autar kiya

dasht-e-ghurbat mein dil-e-wiran ne

yad jamuna ko kai bar kiya

pyar ki bat na puchho yaro

ham ne kis kis se nahin pyar kiya

kitni khwabida tamannaon ko

us ki awaz ne bedar kiya

ham pujari hain buton ke jalib

ham ne kaabe mein bhi iqrar kiya