پھر کبھی لوٹ کر نہ آئیں گے

پھر کبھی لوٹ کر نہ آئیں گے

ہم ترا شہر چھوڑ جائیں گے

دور افتادہ بستیوں میں کہیں

تیری یادوں سے لو لگائیں گے

شمع ماہ و نجوم گل کر کے

آنسوؤں کے دیئے جلائیں گے

آخری بار اک غزل سن لو

آخری بار ہم سنائیں گے

صورت موجۂ ہوا جالبؔ

ساری دنیا کی خاک اڑائیں گے

phir kabhi laut kar na aenge

ham tira shahr chhor jaenge

dur uftada bastiyon mein kahin

teri yadon se lo lagaenge

shama mah-o-nujum gul kar ke

ansuon ke diye jalaenge

akhiri bar ik ghazal sun lo

akhiri bar ham sunaenge

surat-e-mauja-e-hawa jalib

sari duniya ki khak uraenge