کون بتائے کون سجھائے کون سے دیس سدھار گئے

کون بتائے کون سجھائے کون سے دیس سدھار گئے

ان کا رستہ تکتے تکتے نین ہمارے ہار گئے

کانٹوں کے دکھ سہنے میں تسکین بھی تھی آرام بھی تھا

ہنسنے والے بھولے بھالے پھول چمن کے مار گئے

ایک لگن کی بات ہے جیون ایک لگن ہی جیون ہے

پوچھ نہ کیا کھویا کیا پایا کیا جیتے کیا ہار گئے

آنے والی برکھا دیکھیں کیا دکھلائے آنکھوں کو

یہ برکھا برساتے دن تو بن پریتم بیکار گئے

جب بھی لوٹے پیار سے لوٹے پھول نہ پا کر گلشن میں

بھونرے امرت رس کی دھن میں پل پل سو سو بار گئے

ہم سے پوچھو ساحل والو کیا بیتی دکھیاروں پر

کھیون ہارے بیچ بھنور میں چھوڑ کے جب اس پار گئے

kaun batae kaun sujhae kaun se des sudhar gae

un ka rasta takte takte nain hamare har gae

kanton ke dukh sahne mein taskin bhi thi aram bhi tha

hansne wale bhule bhale phul chaman ke mar gae

ek lagan ki bat hai jiwan ek lagan hi jiwan hai

puchh na kya khoya kya paya kya jite kya har gae

ane wali barkha dekhen kya dikhlae ankhon ko

ye barkha barasite din to ban piritam bekar gae

jab bhi laute pyar se laute phul na pa kar gulshan mein

bhaunre amrit ras ki dhun mein pal pal sau sau bar gae

ham se puchho sahil walo kya biti dukhyaron par

khiwan hare bich bhanwar mein chhor ke jab us par gae