آگ ہے پھیلی ہوئی کالی گھٹاؤں کی جگہ

آگ ہے پھیلی ہوئی کالی گھٹاؤں کی جگہ

بد دعائیں ہیں لبوں پر اب دعاؤں کی جگہ

انتخاب اہل گلشن پر بہت روتا ہے دل

دیکھ کر زاغ و زغن کو خوش نواؤں کی جگہ

کچھ بھی ہوتا پر نہ ہوتے پارہ پارہ جسم و جاں

راہزن ہوتے اگر ان رہنماؤں کی جگہ

لٹ گئی اس دور میں اہل قلم کی آبرو

بک رہے ہیں اب صحافی بیسواؤں کی جگہ

کچھ تو آتا ہم کو بھی جاں سے گزرنے کا مزہ

غیر ہوتے کاش جالبؔ آشناؤں کی جگہ

ag hai phaili hui kali ghataon ki jagah

bad duaen hain labon par ab duaon ki jagah

intikhab-e-ahl-e-gulshan par bahut rota hai dil

dekh kar zagh-o-zaghan ko khush nawaon ki jagah

kuchh bhi hota par na hote para para jism-o-jan

rahzan hote agar un rahnumaon ki jagah

lut gai is daur mein ahl-e-qalam ki abru

bik rahe hain ab sihafi beswaon ki jagah

kuchh to ata ham ko bhi jan se guzarne ka maza

ghair hote kash jalib ashnaon ki jagah