فیضؔ اور فیضؔ کا غم بھولنے والا ہے کہیں

فیضؔ اور فیضؔ کا غم بھولنے والا ہے کہیں

موت یہ تیرا ستم بھولنے والا ہے کہیں

ہم سے جس وقت نے وہ شاہ سخن چھین لیا

ہم کو وہ وقت الم بھولنے والا ہے کہیں

ترے اشک اور بھی چمکائیں گی یادیں اس کی

ہم کو وہ دیدۂ نم بھولنے والا ہے کہیں

کبھی زنداں میں کبھی دور وطن سے اے دوست

جو کیا اس نے رقم بھولنے والا ہے کہیں

آخری بار اسے دیکھ نہ پائے جالبؔ

یہ مقدر کا ستم بھولنے والا ہے کہیں

faiz aur faiz ka gham bhulne wala hai kahin

maut ye tera sitam bhulne wala hai kahin

ham se jis waqt ne wo shah-e-sukhan chhin liya

ham ko wo waqt-e-alam bhulne wala hai kahin

tire ashk aur bhi chamkaengi yaden us ki

ham ko wo dida-e-nam bhulne wala hai kahin

kabhi zindan mein kabhi dur watan se ai dost

jo kiya us ne raqam bhulne wala hai kahin

akhiri bar use dekh na pae jalib

ye muqaddar ka sitam bhulne wala hai kahin