خوب آزادئ صحافت ہے

خوب آزادئ صحافت ہے

نظم لکھنے پہ بھی قیامت ہے

دعویٰ جمہوریت کا ہے ہر آن

یہ حکومت بھی کیا حکومت ہے

دھاندلی دھونس کی ہے پیداوار

سب کو معلوم یہ حقیقت ہے

خوف کے ذہن و دل پہ سائے ہیں

کس کی عزت یہاں سلامت ہے

کبھی جمہوریت یہاں آئے

یہی جالبؔ ہماری حسرت ہے

khub azadi-e-sihafat hai

nazm likhne pe bhi qayamat hai

daawa jamhuriyat ka hai har an

ye hukumat bhi kya hukumat hai

dhandli dhauns ki hai paidawar

sab ko maalum ye haqiqat hai

khauf ke zehn-o-dil pe sae hain

kis ki izzat yahan salamat hai

kabhi jamhuriyat yahan ae

yahi jalib hamari hasrat hai