بٹے رہو گے تو اپنا یوں ہی بہے گا لہو

بٹے رہو گے تو اپنا یوں ہی بہے گا لہو

ہوئے نہ ایک تو منزل نہ بن سکے گا لہو

ہو کس گھمنڈ میں اے لخت لخت دیدہ ورو

تمہیں بھی قاتل محنت کشاں کہے گا لہو

اسی طرح سے اگر تم انا پرست رہے

خود اپنا راہنما آپ ہی بنے گا لہو

سنو تمہارے گریبان بھی نہیں محفوظ

ڈرو تمہارا بھی اک دن حساب لے گا لہو

اگر نہ عہد کیا ہم نے ایک ہونے کا

غنیم سب کا یوں ہی بیچتا رہے گا لہو

کبھی کبھی مرے بچے بھی مجھ سے پوچھتے ہیں

کہاں تک اور تو خشک اپنا ہی کرے گا لہو

صدا کہا یہی میں نے قریب تر ہے وہ دور

کہ جس میں کوئی ہمارا نہ پی سکے گا لہو

bate rahoge to apna yun hi bahega lahu

hue na ek to manzil na ban sakega lahu

ho kis ghamand mein ai lakht lakht-e-dida waro

tumhen bhi qatil mehnat kashan kahega lahu

isi tarah se agar tum ana parast rahe

khud apna rahnuma ap hi banega lahu

suno tumhare gareban bhi nahin mahfuz

daro tumhara bhi ik din hisab lega lahu

agar na ahd kiya ham ne ek hone ka

ghanim sab ka yun hi bechta rahega lahu

kabhi kabhi mire bachche bhi mujh se puchhte hain

kahan tak aur to khushk apna hi karega lahu

sada kaha yahi main ne qarib tar hai wo dur

ke jis mein koi hamara na pi sakega lahu