وہی حالات ہیں فقیروں کے

وہی حالات ہیں فقیروں کے

دن پھرے ہیں فقط وزیروں کے

اپنا حلقہ ہے حلقۂ زنجیر

اور حلقے ہیں سب امیروں کے

ہر بلاول ہے دیس کا مقروض

پاؤں ننگے ہیں بے نظیروں کے

وہی اہل وفا کی صورت حال

وارے نیارے ہیں بے ضمیروں کے

سازشیں ہیں وہی خلاف عوام

مشورے ہیں وہی مشیروں کے

بیڑیاں سامراج کی ہیں وہی

وہی دن رات ہیں اسیروں کے

wahi halat hain faqiron ke

din phire hain faqat waziron ke

apna halqa hai halqa-e-zanjir

aur halqe hain sab amiron ke

har bilawal hai des ka maqruz

paon nange hain be naziron ke

wahi ahl-e-wafa ki surat hal

ware niare hain be zamiron ke

sazishen hain wahi khilaf-e-awam

mashware hain wahi mushiron ke

beriyan samraj ki hain wahi

wahi din rat hain asiron ke