کبھی تو مہرباں ہو کر بلا لیں

کبھی تو مہرباں ہو کر بلا لیں

یہ مہوش ہم فقیروں کی دعا لیں

نہ جانے پھر یہ رت آئے نہ آئے

جواں پھولوں کی کچھ خوشبو چرا لیں

بہت روئے زمانے کے لیے ہم

ذرا اپنے لیے آنسو بہا لیں

ہم ان کو بھولنے والے نہیں ہیں

سمجھتے ہیں غم دوراں کی چالیں

ہماری بھی سنبھل جائے گی حالت

وہ پہلے اپنی زلفیں تو سنبھالیں

نکلنے کو ہے وہ مہتاب گھر سے

ستاروں سے کہو نظریں جھکا لیں

ہم اپنے راستے پر چل رہے ہیں

جناب شیخ اپنا راستہ لیں

زمانہ تو یوں ہی روٹھا رہے گا

چلو جالبؔ انہیں چل کر منا لیں

kabhi to mehrban ho kar bala len

ye mahwash ham faqiron ki dua len

na jane phir ye rut ae na ae

jawan phulon ki kuchh khushbu chura len

bahut roe zamane ke liye ham

zara apne liye ansu baha len

ham un ko bhulne wale nahin hain

samajhte hain gham-e-dauran ki chalen

hamari bhi sambhal jaegi halat

wo pahle apni zulfen to sambhalen

nikalne ko hai wo mahtab ghar se

sitaron se kaho nazren jhuka len

ham apne raste par chal rahe hain

janab-e-shaikh apna rasta len

zamana to yun hi rutha rahega

chalo jalib unhen chal kar mana len