اک ایسی ان کہی تحریر کرنے جا رہا ہوں

اک ایسی ان کہی تحریر کرنے جا رہا ہوں

ہنر کو اور بھی گمبھیر کرنے جا رہا ہوں

مرے احساس میں بے چین جس کے خال و خد ہیں

اسے ہر آنکھ میں تصویر کرنے جا رہا ہوں

میں فرہاد معانی تیشۂ حرف و بیاں سے

سخن کی جھیل جوئے شیر کرنے جا رہا ہوں

دلوں کے درمیاں رستوں میں کتنے خم پڑے ہیں

میں ان کو پھر سے سیدھا تیر کرنے جا رہا ہوں

وہ جس میں بے نواؤں کے لہو کی سرخیاں ہیں

کلاہ شاہ لیر و لیر کرنے جا رہا ہوں

مجھے زنجیرنا ہے اپنے حصے کا زمانہ

سو اپنے آپ کو تسخیر کرنے جا رہا ہوں

سدا تعبیر در تعبیر جو رکھے سفر میں

میں وہ خواب دگر تعمیر کرنے جا رہا ہوں

ik aisi an kahi tahrir karne ja raha hun

hunar ko aur bhi gumbhir karne ja raha hun

mire ehsas mein be chain jis ke khal-o-khad hain

use har ankh mein taswir karne ja raha hun

main farhad-e-maani tesha-e-harf-o-bayan se

sukhan ki jhil ju-e-sher karne ja raha hun

dilon ke darmiyan raston mein kitne kham pare hain

main un ko phir se sidha tir karne ja raha hun

wo jis mein be nawaon ke lahu ki surkhiyan hain

kulah-e-shah lir-o-lir karne ja raha hun

mujhe zanjirna hai apne hisse ka zamana

so apne ap ko taskhir karne ja raha hun

sada taabir dar taabir jo rakhe safar mein

main wo khwab-e-digar taamir karne ja raha hun