دل پر شوق کو پہلو میں دبائے رکھا

دل پر شوق کو پہلو میں دبائے رکھا

تجھ سے بھی ہم نے ترا پیار چھپائے رکھا

چھوڑ اس بات کو اے دوست کہ تجھ سے پہلے

ہم نے کس کس کو خیالوں میں بسائے رکھا

غیر ممکن تھی زمانے کے غموں سے فرصت

پھر بھی ہم نے ترا غم دل میں بسائے رکھا

پھول کو پھول نہ کہتے سو اسے کیا کہتے

کیا ہوا غیر نے کالر پہ سجائے رکھا

جانے کس حال میں ہیں کون سے شہروں میں ہیں وہ

زندگی اپنی جنہیں ہم نے بنائے رکھا

ہائے کیا لوگ تھے وہ لوگ پری چہرہ لوگ

ہم نے جن کے لیے دنیا کو بھلائے رکھا

اب ملیں بھی تو نہ پہچان سکیں ہم ان کو

جن کو اک عمر خیالوں میں بسائے رکھا

dil par shauq ko pahlu mein dabae rakha

tujh se bhi ham ne tira pyar chhupae rakha

chhor is bat ko ai dost ke tujh se pahle

ham ne kis kis ko khayalon mein basae rakha

ghair mumkin thi zamane ke ghamon se fursat

phir bhi ham ne tira gham dil mein basae rakha

phul ko phul na kahte so use kya kahte

kya hua ghair ne kalar pe sajae rakha

jane kis hal mein hain kaun se shahron mein hain wo

zindagi apni jinhen ham ne banae rakha

hae kya log the wo log pari chehra log

ham ne jin ke liye duniya ko bhulae rakha

ab milen bhi to na pahchan saken ham un ko

jin ko ik umr khayalon mein basae rakha