یہ اور بات تیری گلی میں نہ آئیں ہم

یہ اور بات تیری گلی میں نہ آئیں ہم

لیکن یہ کیا کہ شہر ترا چھوڑ جائیں ہم

مدت ہوئی ہے کوئے بتاں کی طرف گئے

آوارگی سے دل کو کہاں تک بچائیں ہم

شاید بہ قید زیست یہ ساعت نہ آ سکے

تم داستان شوق سنو اور سنائیں ہم

بے نور ہو چکی ہے بہت شہر کی فضا

تاریک راستوں میں کہیں کھو نہ جائیں ہم

اس کے بغیر آج بہت جی اداس ہے

جالبؔ چلو کہیں سے اسے ڈھونڈ لائیں ہم

ye aur bat teri gali mein na aen ham

lekin ye kya ke shahr tira chhor jaen ham

muddat hui hai ku-e-butan ki taraf gae

awargi se dil ko kahan tak bachaen ham

shayad ba qaid-e-zist ye saat na a sake

tum dastan-e-shauq suno aur sunaen ham

be nur ho chuki hai bahut shahr ki faza

tarik raston mein kahin kho na jaen ham

us ke baghair aj bahut ji udas hai

jalib chalo kahin se use dhund laen ham