اس شہر خرابی میں غم عشق کے مارے

اس شہر خرابی میں غم عشق کے مارے

زندہ ہیں یہی بات بڑی بات ہے پیارے

یہ ہنستا ہوا چاند یہ پر نور ستارے

تابندہ و پایندہ ہیں ذروں کے سہارے

حسرت ہے کوئی غنچہ ہمیں پیار سے دیکھے

ارماں ہے کوئی پھول ہمیں دل سے پکارے

ہر صبح مری صبح پہ روتی رہی شبنم

ہر رات مری رات پہ ہنستے رہے تارے

کچھ اور بھی ہیں کام ہمیں اے غم جاناں

کب تک کوئی الجھی ہوئی زلفوں کو سنوارے

is shahr kharabi mein gham-e-ishq ke mare

zinda hain yahi bat bari bat hai pyare

ye hansta hua chand ye pur nur sitare

tabinda-o-painda hain zarron ke sahare

hasrat hai koi ghuncha hamen pyar se dekhe

arman hai koi phul hamen dil se pukare

har subh miri subh pe roti rahi shabnam

har rat miri rat pe hanste rahe tare

kuchh aur bhi hain kam hamen ai gham-e-janan

kab tak koi uljhi hui zulfon ko sanware