ہجوم دیکھ کے رستہ نہیں بدلتے ہم

ہجوم دیکھ کے رستہ نہیں بدلتے ہم

کسی کے ڈر سے تقاضا نہیں بدلتے ہم

ہزار زیر قدم راستہ ہو خاروں کا

جو چل پڑیں تو ارادہ نہیں بدلتے ہم

اسی لیے تو نہیں معتبر زمانے میں

کہ رنگ صورت دنیا نہیں بدلتے ہم

ہوا کو دیکھ کے جالبؔ مثال ہم عصراں

بجا یہ زعم ہمارا نہیں بدلتے ہم

hujum dekh ke rasta nahin badalte ham

kisi ke dar se taqaza nahin badalte ham

hazar zer-e-qadam rasta ho kharon ka

jo chal paren to irada nahin badalte ham

isi liye to nahin motabar zamane mein

ke rang surat duniya nahin badalte ham

hawa ko dekh ke jalib misal ham asran

baja ye zaam hamara nahin badalte ham