تم سے پہلے وہ جو اک شخص یہاں تخت نشیں تھا

تم سے پہلے وہ جو اک شخص یہاں تخت نشیں تھا

اس کو بھی اپنے خدا ہونے پہ اتنا ہی یقیں تھا

کوئی ٹھہرا ہو جو لوگوں کے مقابل تو بتاؤ

وہ کہاں ہیں کہ جنہیں ناز بہت اپنے تئیں تھا

آج سوئے ہیں تہ خاک نہ جانے یہاں کتنے

کوئی شعلہ کوئی شبنم کوئی مہتاب جبیں تھا

اب وہ پھرتے ہیں اسی شہر میں تنہا لیے دل کو

اک زمانے میں مزاج ان کا سر عرش بریں تھا

چھوڑنا گھر کا ہمیں یاد ہے جالبؔ نہیں بھولے

تھا وطن ذہن میں اپنے کوئی زنداں تو نہیں تھا

tum se pahle wo jo ik shakhs yahan takht nashin tha

us ko bhi apne khuda hone pe itna hi yaqin tha

koi thahra ho jo logon ke muqabil to batao

wo kahan hain ke jinhen naz bahut apne tain tha

aj soe hain tah-e-khak na jane yahan kitne

koi shola koi shabnam koi mahtab jabin tha

ab wo phirte hain isi shahr mein tanha liye dil ko

ik zamane mein mizaj un ka sar-e-arsh-e-barin tha

chhorna ghar ka hamen yad hai jalib nahin bhule

tha watan zehn main apne koi zindan to nahin tha