عجب اسباب کرتا جا رہا ہوں

عجب اسباب کرتا جا رہا ہوں

لہو سیماب کرتا جا رہا ہوں

میں اپنی موج میں اک رقص دیگر

سر گرداب کرتا جا رہا ہوں

ازل سے جاگتی آنکھوں جہاں میں

بسر اک خواب کرتا جا رہا ہوں

سر مژگاں ابھرتا ہے جو تارا

اسے مہتاب کرتا جا رہا ہوں

جو دل اک عمر سے بنجر پڑے تھے

انہیں سیراب کرتا جا رہا ہوں

میں راہ شوق کی ہر کنکری کو

در نایاب کرتا جا رہا ہوں

وہ اعجاز سخن بخشا ہے اس نے

چٹانیں آب کرتا جا رہا ہوں

ajab asbab karta ja raha hun

lahu simab karta ja raha hun

main apni mauj mein ik raqs-e-digar

sar-e-girdab karta ja raha hun

azal se jagti ankhon jahan mein

basar ik khwab karta ja raha hun

sar-e-mizhgan ubharta hai jo tara

use mahtab karta ja raha hun

jo dil ik umr se banjar pare the

unhen sairab karta ja raha hun

main rah-e-shauq ki har kankri ko

dar-e-nayab karta ja raha hun

wo ejaz-e-sukhan bakhsha hai us ne

chatanen ab karta ja raha hun