جدا جدا سب کے خواب تعبیر ایک جیسی

جدا جدا سب کے خواب تعبیر ایک جیسی

ہمیں ازل سے ملی ہے تقدیر ایک جیسی

ہر اک کتاب عمل کے عنوان اپنے اپنے

ورق ورق پر قضا کی تحریر ایک جیسی

گزرتے لمحوں سے نقش کیا اپنے اپنے پوچھیں

ان آئنوں میں ہر ایک تصویر ایک جیسی

تری شرر باریوں مری خاکساریوں کی

ہوا کبھی تو کرے گی تشہیر ایک جیسی

یہ طے ہوا ایک بار سب آزما کے دیکھیں

نجات قلب و نظر کی تدبیر ایک جیسی

دلوں کے زمزم سے دھل کے نکلی ہوئی صدائیں

سماعتوں میں جگائیں تاثیر ایک جیسی

juda juda sab ke khwab taabir ek jaisi

hamen azal se mili hai taqdir ek jaisi

har ik kitab-e-amal ke unwan apne apne

waraq waraq par qaza ki tahrir ek jaisi

guzarte lamhon se naqsh kya apne apne puchhen

in ainon mein har ek taswir ek jaisi

tiri sharar bariyon miri khaksariyon ki

hawa kabhi to karegi tashhir ek jaisi

ye tai hua ek bar sab azma ke dekhen

najat qalb-o-nazar ki tadbir ek jaisi

dilon ke zamzam se dhul ke nikli hui sadaen

samaaton mein jagaen tasir ek jaisi