جب بھی موسم ہنر حرف و بیاں لے جائے

جب بھی موسم ہنر حرف و بیاں لے جائے

یوں لگے جسم سے جیسے کوئی جاں لے جائے

ہم کہ ہیں نقش سر ریگ رواں کیا جانے

کب کوئی موج ہوا اپنا نشاں لے جائے

ایک آزادی کہ زندانئ خواہش کر دے

اک اسیری کہ کراں تا بہ کراں لے جائے

وحشت شوق مقدر تھی سو بچتے کب تک

اب تو یہ سیل بلا خیز جہاں لے جائے

ایک پرچھائیں کے پیچھے ہیں ازل سے عالؔی

یہ تعاقب ہمیں کیا جانے کہاں لے جائے

jab bhi mausam hunar harf-o-bayan le jae

yun lage jism se jaise koi jan le jae

ham ke hain naqsh-e-sar-e-reg-e-rawan kya jane

kab koi mauj hua apna nishan le jae

ek azadi ke zindani-e-khwahish kar de

ik asiri ke karan ta ba karan le jae

wahshat-e-shauq muqaddar thi so bachte kab tak

ab to ye sail-e-bala khez jahan le jae

ek parchhain ke pichhe hain azal se ali

ye taaqub hamen kya jane kahan le jae