روشنی کا قالب جب تیرگی میں ڈھلتا ہے

روشنی کا قالب جب تیرگی میں ڈھلتا ہے

خواہشوں کے سینے میں میرا دل مچلتا ہے

ریگزار سوچوں کا سورجوں کی زد میں ہے

جسم آرزوؤں کا ہولے ہولے جلتا ہے

جب بھی کوئی ہم راہی ساتھ چھوڑ جاتا ہے

مدتوں خیال اس کا ساتھ ساتھ چلتا ہے

عمر بھر کی قسمت کب اتنا تو ٹھہر جاتا

جتنا ایک مفلس کے گھر چراغ جلتا ہے

انتظار کا صحرا پھیلتا ہی جاتا ہے

اک سراب بن کر وہ راستے بدلتا ہے

raushni ka qalib jab tirgi mein dhalta hai

khwahishon ke sine mein mera dil machalta hai

regzar sochon ka surajon ki zad mein hai

jism arzuon ka haule haule jalta hai

jab bhi koi ham rahi sath chhor jata hai

muddaton khayal us ka sath sath chalta hai

umr bhar ki qismat kab itna to thahar jata

jitna ek muflis ke ghar charagh jalta hai

intizar ka sahra phailta hi jata hai

ik sarab ban kar wo raste badalta hai