اس کی یاد اور درد کی سوغات میرے ساتھ تھی

اس کی یاد اور درد کی سوغات میرے ساتھ تھی

اس سے بڑھ کر ایک تنہا رات میرے ساتھ تھی

مجھ کو تنہائی میں بھی احساس تنہائی نہ تھا

ہر گلی میں گردش حالات میرے ساتھ تھی

رفتہ رفتہ بند کلیوں کے بھی لب کھلنے لگے

آب صبر و حدت اثبات میرے ساتھ تھی

بند کھڑکی پر بھی خالدؔ ایک دن پہرے لگے

ایسی بھی کچھ صورت حالات میرے ساتھ تھی

us ki yad aur dard ki saughat mere sath thi

is se barh kar ek tanha rat mere sath thi

mujh ko tanhai mein bhi ehsas-e-tanhai na tha

har gali mein gardish-e-halat mere sath thi

rafta rafta band kaliyon ke bhi lab khulne lage

ab sabr-o-hiddat-e-isbat mere sath thi

band khirki par bhi khalid ek din pahre lage

aisi bhi kuchh surat-e-halat mere sath thi