ایک لمحہ کہ ملیں سارے زمانے جس میں

ایک لمحہ کہ ملیں سارے زمانے جس میں

ایک نکتہ سبھی حکمت کے خزانے جس میں

دائرہ جس میں سما جائیں جہانوں کی حدود

آئنہ جس میں نظر آئے عدم کا بھی وجود

فرش پر عرش کی عظمت کی دلیل محکم

خلق پر رحمت خالق کی سبیل محکم

دسترس اس کی نگاہوں کی کراں تا بہ کراں

وہ تجسس کے لئے آخری منزل کا نشاں

ایک توسیع جو قسمت کی لکیروں میں رہے

ایک تنبیہ جو بیدار ضمیروں میں رہے

ek lamha ke milen sare zamane jis mein

ek nukta sabhi hikmat ke khazane jis mein

daira jis mein sama jaen jahanon ki hudud

aina jis mein nazar ae adam ka bhi wajud

farsh par arsh ki azmat ki dalil-e-mohkam

khalq par rahmat-e-khaliq ki sabil-e-mohkam

dastaras us ki nigahon ki karan ta ba karan

wo tajassus ke liye akhiri manzil ka nishan

ek tausi jo qismat ki lakiron mein rahe

ek tambih jo bedar zamiron mein rahe