گزر گیا جو مرے دل پہ سانحہ بن کر

گزر گیا جو مرے دل پہ سانحہ بن کر

اتر گیا وہ مری روح میں خدا بن کر

ترا خیال شب ہجر پھیلتا ہی گیا

ہزار رنگ کی سوچوں کا سلسلہ بن کر

وفا کے سنگ سے ٹکرا کے احتجاج‌ انا

صلیب لب پہ سسکنے لگا دعا بن کر

بدن کے دشت میں من کی حسین صبحوں کو

نکل رہا ہے غم دہر اژدہا بن کر

کبھی تو دیپ جلیں گل کھلیں فضا مہکے

کبھی تو آ شب ویراں میں رتجگا بن کر

تمام عمر جسے ڈھونڈتے رہے عالؔی

کہیں ملا بھی اگر وہ تو فاصلہ بن کر

guzar gaya jo mire dil pe saneha ban kar

utar gaya wo miri ruh mein khuda ban kar

tira khayal shab-e-hijr phailta hi gaya

hazar rang ki sochon ka silsila ban kar

wafa ke sang se takra ke ehtijaj ana

salib lab pe sisakne laga dua ban kar

badan ke dasht mein man ki hasin subhon ko

nikal raha hai gham-e-dahr azhdaha ban kar

kabhi to dip jalen gul khulen faza mahke

kabhi to a shab wiran mein ratjaga ban kar

tamam umr jise dhundte rahe ali

kahin mila bhi agar wo to fasla ban kar