موج دریا کی طرح تم بھی ابلنا سیکھو

موج دریا کی طرح تم بھی ابلنا سیکھو

بات تو جب ہے کہ خود گر کے سنبھلنا سیکھو

کون مل جائے کہاں راہ کا پتھر بن کر

شرط یہ ہے کہ اسی راہ پہ چلنا سیکھو

کیوں ہو خاموش بھلا جھیل کے پانی کی طرح

مثل طوفان ذرا تم بھی مچلنا سیکھو

ہو تو سکتا ہے کہ ہر موڑ پہ ناکامی ہو

عزم و دانائی سے حالات بدلنا سیکھو

کسی تاریکی کا احساس نہ ہونے پائے

شمع کی طرح ہر اک گام پہ جلنا سیکھو

mauj-e-dariya ki tarah tum bhi ubalna sikho

bat to jab hai ke khud gir ke sambhalna sikho

kaun mil jae kahan rah ka patthar ban kar

shart ye hai ke isi rah pe chalna sikho

kyun ho khamosh bhala jhil ke pani ki tarah

misl-e-tufan zara tum bhi machalna sikho

ho to sakta hai ke har mor pe nakami ho

azm-o-danai se halat badalna sikho

kisi tariki ka ehsas na hone pae

shama ki tarah har ik gam pe jalna sikho