ہم چہرۂ زنار کو پوجا نہیں کرتے

ہم چہرۂ زنار کو پوجا نہیں کرتے

یعنی دل خوددار کو رسوا نہیں کرتے

ہم دامن پندار کو میلا نہیں کرتے

اجداد کے کردار کو بیچا نہیں کرتے

اے اہل وطن آپ سے اتنی ہے گزارش

سینچے ہوئے گلزار کو روندا نہیں کرتے

کشتی کو کنارے پہ لے آنا ہی بہت ہے

گرداب ضرر بار کو روکا نہیں کرتے

تخریب ہی تعمیر کی بنیاد ہے یارو

اجڑے ہوئے گھر بار کو رویا نہیں کرتے

گلزار کے پھولوں کی حفاظت ہے عبادت

راہیؔ تو کبھی خار کو سینچا نہیں کرتے

ham chehra-e-zunnar ko puja nahin karte

yaani dil khuddar ko ruswa nahin karte

ham daman pindar ko maila nahin karte

ajdad ke kirdar ko becha nahin karte

ai ahl-e-watan ap se itni hai guzarish

sinche hue gulzar ko ronida nahin karte

kashti ko kinare pe le ana hi bahut hai

girdab zarar bar ko roka nahin karte

takhrib hi taamir ki buniyad hai yaro

ujre hue ghar bar ko roya nahin karte

gulzar ke phulon ki hifazat hai ibadat

rahi to kabhi khar ko sincha nahin karte