ہوا بھی زور پہ تھی تیز تھا بہاؤ بھی

ہوا بھی زور پہ تھی تیز تھا بہاؤ بھی

لڑی ہے خوب مگر کاغذی سی ناؤ بھی

ابھی سے ہاتھ چھڑاتے ہو واپسی کے لیے

جو چل پڑے ہو تو پھر ساتھ ساتھ آؤ بھی

جسے جہاں کی روش دور لے گئی اس کو

قریب لا نہ سکیں تم مری وفاؤ بھی

بندھا رہا بہر انداز حلقۂ یاراں

ہوا ہے سرد کہیں درد کا الاؤ بھی

بجا کہ میری طبیعت بھی لاابالی تھی

پہ زود رنج تھا دنیا ترا سبھاؤ بھی

عبادتوں کی شرابیں بھی پی چکا لیکن

سکون دے نہ سکے تم مرے خداؤ بھی

hawa bhi zor pe thi tez tha bahao bhi

lari hai khub magar kaghzi si nao bhi

abhi se hath chhurate ho wapsi ke liye

jo chal pare ho to phir sath sath ao bhi

jise jahan ki rawish dur le gai us ko

qarib la na saken tum miri wafao bhi

bandha raha bahr andaz-e-halqa-e-yaran

hua hai sard kahin dard ka alao bhi

baja ke meri tabiat bhi laubali thi

pe zud ranj tha duniya tira sabhao bhi

ibadaton ki sharaben bhi pi chuka lekin

sukun de na sake tum mire khadao bhi