سلگ اٹھی ہے کوئی آگ سی ہواؤں میں

سلگ اٹھی ہے کوئی آگ سی ہواؤں میں

بدل گئی ہیں بہاریں مری خزاؤں میں

نہ آئی راس بناوٹ کی زندگی مجھ کو

میں شہر چھوڑ کے پھر آ گیا ہوں گاؤں میں

قدم قدم پہ نیا اک خدا نظر آیا

نہ جانے کون سا برحق ہے ان خداؤں میں

کوئی امید کی بارش کا اہتمام کرو

میں جل رہا ہوں غم و یاس کی چتاؤں میں

بہت کڑا ہے محبت کے راستوں کا سفر

جفا کی دھوپ چھپی ہے وفا کی چھاؤں میں

sulag uthi hai koi ag si hawaon mein

badal gai hain baharen miri khazaon mein

na ai ras banawat ki zindagi mujh ko

main shahr chhor ke phir a gaya hun gaon mein

qadam qadam pe naya ik khuda nazar aya

na jane kaun sa barhaq hai un khudaon mein

koi umid ki barish ka ehtimam karo

main jal raha hun gham-o-yas ki chitaon mein

bahut kara hai mohabbat ke raston ka safar

jafa ki dhup chhupi hai wafa ki chhaon mein