اپنے ہونے سے بھی انکار کئے جاتے ہیں

اپنے ہونے سے بھی انکار کئے جاتے ہیں

ہم کہ رستہ ترا ہموار کئے جاتے ہیں

روز اب شہر میں سجتے ہیں تجارت میلے

لوگ صحنوں کو بھی بازار کئے جاتے ہیں

ڈالتے ہیں وہ جو کشکول میں سانسیں گن کر

کل کے سپنے بھی گرفتار کئے جاتے ہیں

کس کو معلوم یہاں اصل کہانی ہم تو

درمیاں کا کوئی کردار کئے جاتے ہیں

دل پہ کچھ اور گزرتی ہے مگر کیا کیجے

لفظ کچھ اور ہی اظہار کئے جاتے ہیں

میرے دشمن کو ضرورت نہیں کچھ کرنے کی

اس سے اچھا تو مرے یار کئے جاتے ہیں

apne hone se bhi inkar kiye jate hain

ham ke rasta tira hamwar kiye jate hain

roz ab shahr mein sajte hain tijarat mele

log sehnon ko bhi bazar kiye jate hain

dalte hain wo jo kashkol mein sansen gin kar

kal ke sapne bhi giraftar kiye jate hain

kis ko maalum yahan asl kahani ham to

darmiyan ka koi kirdar kiye jate hain

dil pe kuchh aur guzarti hai magar kya kije

lafz kuchh aur hi izhar kiye jate hain

mere dushman ko zarurat nahin kuchh karne ki

us se achchha to mire yar kiye jate hain