چمن میں سیر کی خاطر جو گل عزار آئے

چمن میں سیر کی خاطر جو گل عزار آئے

خراج حسن ادا کرنے برگ و بار آئے

حریم ناز کی معجز نمائیوں کے رموز

اگر کہیں تو کسی کو نہ اعتبار آئے

سرور طور کے جلوے سے ہے جنہیں حاصل

وہ سجدہ گاہ محبت میں بے قرار آئے

جو حرف و صوت کی بندش نہ کر سکے انگیز

خیال عارض و گیسو میں اشک بار آئے

گل سبد ہے یہ نسریںؔ کا شعر چن لیجئے

ہمارے طرز سخن سے کبھی نہ عار آئے

chaman mein sair ki khatir jo gul izzar ae

khiraj husn-e-ada karne barg-o-bar ae

harim-e-naz ki mojiz numaiyon ke rumuz

agar kahin to kisi ko na etibar ae

surur tur ke jalwe se hai jinhen hasil

wo sajda gah-e-mohabbat mein be qarar ae

jo harf-o-saut ki bandish na kar sake angez

khayal-e-ariz-o-gesu mein ashk bar ae

gul sabd hai ye nasrain ka sher chun lijiye

hamare tarz-e-sukhan se kabhi na ar ae