پھر ہمیں دیدۂ تر یاد آیا

پھر ہمیں دیدۂ تر یاد آیا

پھر ہمیں نور سحر یاد آیا

حسن خط سر بہ مہر یاد آیا

شق ہوا جس کے اشارے سے قمر

آج وہ رشک قمر یاد آیا

سوز دل بن گیا پرکالۂ عشق

شعلہ بر دوش جگر یاد آیا

دیکھنے سے تجھے اے شمع حرم

شب اسریٰ کا سفر یاد آیا

اشک رخسار پہ ڈھلنے سے ترے

ہم کو تابندہ گہر یاد آیا

کیوں زلیخا کے قریں یوسف کو

شاہد غیب کا در یاد آیا

شامل فکر سخن ہو نسرینؔ

نامہ بر کوئی اگر یاد آیا

phir hamen dida-e-tar yad aya

phir hamen nur-e-sahar yad aya

husn khat sar ba mehr yad aya

shaqq hua jis ke ishare se qamar

aj wo rashk-e-qamar yad aya

soz-e-dil ban gaya parkala-e-ishq

shola bar dosh-e-jigar yad aya

dekhne se tujhe ai sham-e-haram

shab-e-asri ka safar yad aya

ashk rukhsar pe dhalne se tire

ham ko tabinda guhar yad aya

kyun zulekha ke qarin yusuf ko

shahid-e-ghaib ka dar yad aya

shamil-e-fikr-e-sukhan ho nasrain

nama bar koi agar yad aya